Bakıda Olimpiya qaçış günü keçirilib

İyunun 24-də Bakıda Beynəlxalq Olimpiya Günü və Milli Olimpiya Komitəsinin (MOK) yaradılmasının 20 illiyinə həsr olunmuş Olimpiya qaçış günü keçirilib.

AZƏRTAC xəbər verir ki, açılış mərasimində çıxış edən Milli Olimpiya Komitəsinin vitse-prezidenti Çingiz Hüseynzadə hər il ölkəmizdə Beynəlxalq Olimpiya Günü münasibətilə qaçış gününün keçirildiyini diqqətə çatdırıb və bu tədbirin “İdman ili” çərçivəsində daha möhtəşəm təşkil edildiyini söyləyib. Bildirilib ki, bir aydan sonra London Yay Olimpiya Oyunlarına start veriləcək. Azərbaycan bu mötəbər yarışa 53 lisenziya qazanıb. Cari ildə digər əlamətdar hadisə isə MOK-un yaradılmasının 20 illiyinin tamam olmasıdır.

“Coca-Cola” MMC LTD şirkətinin market meneceri Qabil Əhmədov bildirib ki, ənənəvi Olimpiya qaçış gününün keçirilməsi Azərbaycanın Olimpiya hərəkatını həmişə dəstəkləməsini nümayiş etdirir. “Coca-Cola” MMC LTD Azərbaycanda sağlam və fəal həyat tərzini təbliğ edir.

Rəsmi hissə başa çatdıqdan sonra tədbir konsert proqramı və bədii gimnastika qrupunun nümunəvi çıxış ilə davam edib. 

Sonra Səməd Vurğun adına bağın yaxınlığında qaçışa start verilib. Yarışda 700-dən artıq idmançı iştirak edib. 

Müxtəlif yaş qrupu üzrə keçirilən yarışda qaliblərə sertifikatlar və xatirə hədiyyələri təqdim olunub. 

Qeyd edək ki, yarışda “Bakı Marafonu-2016”nın üçüncüsü və builki marafonun iştirakçısı Tural Sadıqlı, eləcə də iradəsi, həyat hekayəsi ilə hər kəsə örnək olacaq Elşən Quliyev fərqləniblər. "Bakı Marafonu -2017"nin fəxri iştirakçısı, olimpiya və ikiqat dünya çempionu Fərid Mansurov da yarışda iştirak edənlər sırasında olub.



Formula 1 üzrə Azərbaycan Qran Prisinə həsr olunan marafon keçirilib

05 Jul 2017 Xəbərlər
Bakıda Formula 1 üzrə Azərbaycan Qran Prisinə həsr olunan 21 km məsafəyə yürüş keçirilib. Sportinfo.az xəbər verir ki, marafon yarışı “Baku Marafon Club” və “Baku runners” qacış klubunun təşkilatçılığı ilə baş tutub.
Ətraflı Oxu

Bakıda Olimpiya qaçış günü keçirilib

05 Jul 2017 Press relizlər
İyunun 24-də Bakıda Beynəlxalq Olimpiya Günü və Milli Olimpiya Komitəsinin (MOK) yaradılmasının 20 illiyinə həsr olunmuş Olimpiya qaçış günü keçirilib.

Ətraflı Oxu

Bakı Marafonu 2017 - FOTOLAR

15 May 2017 Foto
«Bakı Marafonu 2017»dən maraqlı fotolar!!


Ətraflı Oxu

Təşkilatçı

Tərəfdaşlar və Sponsorlar