Bakı Marafonu - 2019

Mayın 5-də Heydər Əliyev Fondunun təşkilatçılığı ilə “Bakı Marafonu-2019” keçiriləcək. Layihənin məqsədi idmanın inkişafına dəstək göstərmək, sağlam həyat tərzini təbliğ etmək, insanları xeyirxah amallar ətrafında bir araya gətirməkdir. 

“Küləyə qalib gəl” şüarı altında artıq dördüncü ildir təşkil olunan Bakı marafonu Dövlət Bayrağı Meydanından start götürərək Bakı Olimpiya Stadionuna qədər 21 kilometr məsafəni əhatə edəcək.

“Bakı Marafonu-2019”un eksklüziv tərəfdaşı “Azercell Telekom” şirkətidir.   Marafon Dənizkənarı Bulvar İdarəsi, Bakı Olimpiya Stadionu, Təhsil Nazirliyi, Nəqliyyat, Rabitə və İnformasiya Texnologiyaları Nazirliyi, “Regional İnkişaf” İctimai Birliyi, eləcə də AFFA və SOCAR-ın dəstəyi ilə təşkil olunacaq. Layihənin icrasını isə Sport Marketing Group (SMG) şirkəti həyata keçirəcək. 


Marafonun strateji hədəfləri aşağıdakılardır:


- İdmanı inkişafına dəstək göstərmək;
- Sağlam həyat tərzini təbliğ etmək; 
- “Bakı Marafonu”nu nüfuzlu marafonlardan birinə çevirmək və xarici idmançıları, qonaqları bu yarışda iştirak etməyə həvəsləndirmək, o cümlədən turistləri ölkəmizə cəlb etmək.     

Dəyərlər


“Bakı Marafonu”nun daşıdığı dəyərlər onun loqosunun əsas elementi olan lentdə öz əksini tapıb. Lent dörd əsas dəyəri ifadə edir: birlik, həmrəylik, pozitivlik və sağlamlıq. Lentin əks etdirdiyi hər bir dəyər xüsusi məna daşıyır:
Birlik - xeyirxah və sağlam məqsədlər ətrafında insanları birləşdirmək;
Sağlamlıq - gəncləri fiziki cəhətdən daha güclü olmağa və idman vasitəsilə daha sağlam həyat tərzi keçirməyə təşviq etmək;
Həmrəylik - insanları xeyirxah məqsədlər naminə birləşdirmək;
Pozitivlik - yarışda iştirak etməklə pozitivliyi təşviq etmək.    

Loqonun fəlsəfəsi

 
Loqo özündə Bakı şəhərinin və marafon yarışının xüsusiyyətlərini əks etdirən elementləri birləşdirir.

Kolibri - dayanmadan uzun məsafə qət edən, enerjisini və sürətini mükəmməlcəsinə idarə edə bilən unikal canlı. Kolibrinin uzaq məsafələrə uçuşu marafon qaçışının fəlsəfəsi ilə həmahənglik təşkil edir. Belə ki, marafon iştirakçıları da finişə çatmaq üçün öz enerjisi və sürətinə nəzarət edərək, bu quşun hərəkət üsulundan istifadə etməli olurlar.

Külək - Bakının əsas rəmzlərdən biri. Bakıya həm də küləklər şəhəri deyirlər. “Küləyə qalib gəl” və “Küləyin arxasınca get” (“Küləyi izlə”) şüarları da Bakının bu simvolundan ilhamlanaraq seçilib. Küləklər şəhəri Bakıda iki istiqamətli – şimaldan əsən Xəzri və cənubdan əsən Gilavar – külək var. Bu konsepsiyadan çıxış edərək biz iştirakçılardan təkcə küləyin sürətinə deyil, həm də gündəlik stressə, neqativ fikirlərə və tənbəlliyə qalib gəlmələrini gözləyirik. Biz inanırıq ki, “Küləyə qalib gəl” şüarı iştirakçılara bir-biri ilə əlaqəli olan məşq, motivasiya, intizam və zamanın səmərəli bölüşdürülməsi kimi vacib faktorların öhdəsindən gəlməyə həvəsləndirəcək.

Paraqraf işarəsi - bu tədbirin reallaşdırılması ilə ölkənin idman tarixində yeni paraqrafın başlanmasını nəzərdə tutur. Bu işarə, həmçinin iştirakçıların həyatında da yeni başlanğıclar olacağından xəbər verir. 

Lent - dörd əsas dəyəri ifadə edir: birlik, həmrəylik, pozitivlik və sağlamlıq.

Açıq yaşıl rəng - lentlərin əsas rəngi Azərbaycanda marafonun yaranmasını və bunun müsbət enerji gətirmək məqsədi daşıdığını ifadə edir.   



Heydər Əliyev Fondunun təşkilatçılığı ilə “Bakı Marafonu-2019” başlayır

01 Mar 2019 Press-relizlər
Mayın 5-də Heydər Əliyev Fondunun təşkilatçılığı ilə “Bakı Marafonu-2019” keçiriləcək. Layihənin məqsədi idmanın inkişafına dəstək göstərmək, sağlam həyat tərzini təbliğ etmək, insanları xeyirxah amallar ətrafında bir araya gətirməkdir. “Küləyə qalib gəl” şüarı altında artıq dördüncü ildir təşkil olunan Bakı marafonu Dövlət Bayrağı Meydanından start götürərək Bakı Olimpiya Stadionuna qədər 21 kilometr məsafəni əhatə edəcək.
Ətraflı Oxu

Bakı Marafonu - 2018

17 May 2018 Foto
Mayın 13-də Heydər Əliyev Fondunun təşəbbüsü ilə “Bakı Marafonu 2018” keçirilib. Marafonda Heydər Əliyev Fondunun vitse-prezidenti Leyla Əliyeva və Arzu Əliyeva da iştirak ediblər.
Dövlət Bayrağı Meydanından start götürən marafon 21 kilometr məsafəni əhatə edib və Bakı Olimpiya Stadionunda başa çatıb.
“Küləyə qalib gəl” şüarı altında keçirilən Bakı marafonu ardıcıl üçüncü ildir təşkil olunur. Builki marafonda iştirak üçün 18 000-dək şəxs qeydiyyatdan keçib.
Ətraflı Oxu

Heydər Əliyev Fondunun təşəbbüsü ilə “Bakı Marafonu 2018” keçirilib

15 May 2018 Press-relizlər
Mayın 13-də Heydər Əliyev Fondunun təşəbbüsü ilə “Bakı Marafonu 2018” keçirilib. Marafonda Heydər Əliyev Fondunun vitse-prezidenti Leyla Əliyeva və Arzu Əliyeva da iştirak ediblər.
Ətraflı Oxu

Təşkilatçı

Tərəfdaşlar və Sponsorlar