Arxiv (2017)

2017-ci il aprelin 30-da Bakı şəhərində marafon yarışının keçirilməsi nəzərdə tutulub. Marafon Heydər Əliyev Fondunun təşəbbüsü, Dənizkənarı Bulvar İdarəsinin, Bakı Olimpiya Stadionunun dəstəyi ilə təşkil olunur. Layihənin icrasını isə “SMG” (“Sport Marketing Group”) şirkəti həyata keçirir.
“Bakı Marafonu - 2017”nin məqsədi idmanın inkişafına dəstək göstərmək, sağlam həyat tərzini təbliğ etmək, insanları xeyirxah məqsədlə bir araya gətirməkdir. 
“Bakı Marafonu - 2017” Dövlət Bayrağı Meydanından başlayaraq Bakı Olimpiya Stadionuna qədər 21 kilometr məsafəni əhatə edəcək. İştirakçılar arasında tanınmış ictimai-siyasi xadimlər, idmançıların da olması nəzərdə tutulur.
“Bakı Marafonu - 2017”nin missiyası Azərbaycanın idman tarixində yeni mədəniyyət yaratmaqdır. Tədbirin əsas hədəfləri idman sənayesinin inkişafını sürətləndirmək, gəncliyi sağlam və balanslaşdırılmış həyat tərzinə həvəsləndirməkdir.  
Marafon heç bir dövlət təşkilatı tərəfindən maliyyələşdirilmir, tədbirin xərcləri sponsor və qeydiyyatdan keçən iştirakçıların ödənişləri hesabına ödənilir.
İnanırıq ki, “Bakı Marafonu - 2017” individual fiziki və zehni sağlamlığa töhfə verəcək, insanların kütləvi və mütəmadi şəkildə idmanla məşğul olduğu cəmiyyətdə ictimai birlik hissini də yaradacaq.  
“Bakı Marafonu - 2017” paytaxt Bakıya təkcə idman festivalı sevincini gətirməyəcək, eyni zamanda yenilikləri ilə də marafon həvəskarlarını sevindirəcək. Ötən marafondan fərqli olaraq, builki yarışda hər 2 kilometrdən bir yardım məntəqələri quraşdırılacaq. Yardım məntəqələrində tibbi yardım nöqtəsi, su, sanitar qovşaq fəaliyyət göstəriləcək.
Qeyd edək ki, ilk marafon yarışı - “Bakı Marafonu - 2016” ötən il mayın 1-də Heydər Əliyev Fondunun təşəbbüsü ilə “Küləyə qalib gəl” şüarı altında keçirilib. Heydər Əliyev Fondunun vitse-prezidenti Leyla Əliyevanın da iştirak etdiyi marafona Dövlət Bayrağı Meydanından start verilib.
 
Yarışın başlandığını bildirən atəşi Olimpiya çempionu, stend atıcılığı üzrə dünya çempionu Zemfira Meftahətdinova açıb. Yarı marafon məsafəsinin - 21 kilometrin qət edilməsinə maksimum 4 saat 30 dəqiqə vaxt verilib.
 
Yarışın finiş xətti və medal təltifetmə mərasimi Bakı Olimpiya Stadionunda olub. Marafonda kişilər arasında finişə birinci Namiq Əsədov (Azərbaycan), ikinci Georqi Dameniya (Gürcüstan)  və üçüncü Tural Sadıxlı (Azərbaycan) çatıb. Qadınlar arasında Rahidə Aslanova (Azərbaycan) birinci, Nataşa Pitersen (Böyük Britaniya) ikinci, Rəqsanə Rəcəbli (Azərbaycan) isə finişi üçüncü keçib.
 
Təşkilatçılar tərəfindən birinci yerin qalibi 3 min, ikinci yerin qalibi 2 min, üçüncü yerin qalibi isə min manat məbləğində mükafat və hədiyyələrlə təltif olunub.

“Bakı Marafonu - 2016”da 7000-dən çox iştirakçı qeydiyyatdan keçib. Tələbələrin iştirakı ilə bağlı vəsait Heydər Əliyev Fondu tərəfindən qarşılandığından, onlar qeydiyyat zamanı ödəmə etməyiblər.

Yarışa Azərbaycan vətəndaşları ilə yanaşı, ölkəmizdə yaşayıb-çalışan 500-dək əcnəbi də qoşulub. İspaniya, Fransa, Qazaxıstan, Ukrayna, Səudiyyə Ərəbistanı, İran, Hindistan, Çexiya və digər ölkələrin Azərbaycanda fəaliyyət göstərən səfirliklərinin rəhbərləri və nümayəndələri, tələbələr, idmançılar, bir sıra tanınmış ictimai-siyasi xadimlər, ictimaiyyət nümayəndələri iştirakçılar arasında olublar. Marafona, həmçinin Avstriya, Almaniya, İspaniya, Fransa, Rusiya, Böyük Britaniya, Birləşmiş Ərəb Əmirlikləri, Keniya və digər ölkələrdən gəlib qoşulanlar da oldu.
Bundan əlavə, marafon günü Bakı Olimpiya Stadionunda hər kəs üçün açıq olan fan-zonalar təşkil olunub. Burada iştirakçılar üçün müxtəlif əyləncə, konsert və şənlik, oyunlar, lotereyalar keçirilib. Uşaqlar və böyüklər üçün 20-dən çox əyləncə növü – futbol, lotereya oyunları, mini sirk, animatorlar və konsert təşkil edilib. Fan-zonanın hər bir ziyarətçisi marafonun finişinə çatanları şəxsən qarşılamaq və qalibləri təbrik etmək imkanı qazanıb. Ziyarətçilərin rahatlığı üçün xüsusi marşrut təşkil edilib. Fan-zona bütün yarış günü ərzində fəaliyyət göstərib.



 

Loqonun fəlsəfəsi

Loqo özündə Bakı şəhərinin və marafon yarışının xüsusiyyətlərini əks etdirən elementləri birləşdirir. Bu elementlərdən biri küləkdir.
Külək - Bakının əsas rəmzlərindən biri hesab edilir. Bakını əbəs yerə “küləklər şəhəri” adlandırmırlar. “Küləyə qalib gəl” və “Küləyin arxasınca get” (“Küləyi izlə”) şüarları da Bakının məhz bu simvolundan ilhamlanaraq seçilib. 
Biz inanırıq ki, “Küləyə qalib gəl” şüarı marafon iştirakçılarını məşq, motivasiya, intizam və zamanın səmərəli bölüşdürülməsi kimi vacib faktorların öhdəsindən gəlməyə həvəsləndirəcək və onları finiş xəttinə qədər aparacaq.
Loqoda diqqəti çəkən digər element isə lentdir. Lent - dörd əsas dəyəri ifadə edir: birlik, həmrəylik, pozitivlik və sağlamlıq.   
Açıq yaşıl – lentlərin əsas rəngidir. Bu rəng Azərbaycanda marafonun yaranmasını, eləcə də marafonun sağlamlıq və birlik adına müsbət çalarlar daşıdığını ifadə edir.  

Marafonun strateji hədəfləri:

İdmanı inkişaf etdirmək - idman tədbirləri üçün auditoriya toplamaq və bu tədbirləri gəlirli etmək;
Sağlam həyat tərzini təbliğ etmək – insanları idmanla məşğul olmağa həvəsləndirmək; 
Turist cəlb etmək – “Bakı Marafonu”nu nüfuzlu marafonlardan birinə çevirmək və xarici idmançıları, qonaqları bu yarışda iştirak etməyə həvəsləndirmək.   
                   

Dəyərlər

“Bakı Marafonu”nun daşıdığı dəyərlər onun loqosunun əsas elementi olan lentdə öz əksini tapıb. Lent – dörd əsas dəyəri ifadə edir: birlik, həmrəylik, pozitivlik və sağlamlıq. Lentin əks etdirdiyi hər bir dəyər spesifik anlamlar daşıyır:
-Birlik - xeyirxah və sağlam məqsədlər ətrafında insanları birləşdirmək;
-Sağlamlıq - gəncləri fiziki cəhətdən daha güclü olmağa və idman vasitəsilə daha sağlam həyat tərzi keçirməyə sövq etmək;
-Həmrəylik - insanları xeyirxah məqsədlər naminə həvəsləndirmək;
-Pozitivlik - yarışda iştirak etməklə pozitivliyi təşviq etmək.      

"Bakı Marafonu - 2019" maarfonçuları hədiyyələrlə sevindirəcək

19 Apr 2019 Xəbərlər

“Bakı Marafonu-2019”un mükafatlandırması bir neçə kateqoriyada olacaq. Belə ki, marafonun kişi və qadın iştirakçıları qaçış zolağında ilk 3 yer uğrunda mübarizə aparacaqlar. Kişi və qadın kateqoriyalarının hər birində 1-ci yerin qalibi 3 000 AZN, 2-ci yerin qalibi 2 000 AZN, 3-cü yerin qalibi isə 1 000 AZN məbləğində mükafat və hədiyyələrlə, eləcə də medal və sertifikatlarla təltif olunacaq.

Qeydiyyat prosesi başlayandan, martın 4-dən mayın 1-dək marafonda yalnız fiziki şəxs kimi 20 AZN ödəniş etməklə qeydiyyatdan keçənlər arasında lotereya təşkil ediləcək və şanslı 2 nəfərə hava daşınması üzrə “Bakı Marafonu-2019”un rəsmi tərəfdaşlarından olan Türk Hava Yolları tərəfindən istənilən Avropa ölkəsinə pulsuz gediş-dönüş bileti hədiyyə olunacaq. Lotereyanın qalibi mayın 2-də “Bakı Marafonu – 2019”un rəsmi feysbuk səhifəsində (https://www.facebook.com/bakumarathon/) canlı yayımlanacaq təsadüfi seçim əsasında müəyyən olunacaq. Qeyd edək ki, iştirakçılar gediş və dönüş arasındakı vaxt intervalını (mükafat yalnız 1 il ərzində keçərlidir) özləri təyin edə bilərlər. Eyni zamanda, viza müraciəti və digər xərclər qaliblərin özləri tərəfindən qarşılanmalıdır.

Hər il marafonda qeydiyyatdan keçən iştirakçıların böyük hissəsinin tələbələr olduğunu nəzərə olaraq, bu il Təşkilat Komitəsi onlar üçün də xüsusi mükafat təsis edib. Belə ki, finiş xəttini ilk keçən tələbələr (qadın və kişi kateqoriyası üzrə) Parisdə, Disneylənddə unudulmaz tətil yaşayacaqlar. 

Ətraflı Oxu

Marafonda qeydiyyatdan keçin, şirkətinizi İstanbul Marafonunda təmsil edin

19 Apr 2019 Xəbərlər
Ayrı-ayrı şirkətləri sağlam həyat tərzini dəstəkləməyə çağıran “Bakı Marafonu – 2019” korporativ iştirakçıları da unutmayıb. Belə ki, finiş xəttini ilk keçən korporativ iştirakçılar (qadın və kişi kateqoriyası üzrə) şirkətlərini İstanbul Marafonunda təmsil edəcəklər. Türk Hava Yolları tərəfindən təqdim olunacaq mükafat paketinə - gediş-dönüş bileti, İstanbul Marafonuna qeydiyyat daxildir. Digər xərclər isə qaliblərin özləri tərəfindən qarşılanmalıdır. 
Ətraflı Oxu

Marafonda qeydiyyatdan keçin, Disneylənddə unudulmaz tətil yaşayın!

19 Apr 2019 Xəbərlər
Hər il marafonda qeydiyyatdan keçən iştirakçıların böyük hissəsinin tələbələr olduğunu nəzərə olaraq, bu il Təşkilat Komitəsi onlar üçün də xüsusi mükafat təsis edib. Belə ki, finiş xəttini ilk keçən tələbələr (qadın və kişi kateqoriyası üzrə) Parisdə, Disneylənddə unudulmaz tətil yaşayacaqlar. “Azercell”in “GəncOl” paketi adından təqdim olunacaq mükafata 5 günlük səyahət, oteldə qalma xərcləri, eləcə də Disneyləndə giriş daxildir. Türk Hava Yolları isə qaliblərə gediş-dönüş biletini hədiyyə edəcək. Viza üçün müraciət və digər xərclər iştirakçıların özləri tərəfindən qarşılanmalıdır.  
Ətraflı Oxu

Təşkilatçı

Tərəfdaşlar və Sponsorlar