Mükafatlar

“Bakı Marafonu-2019”un mükafatlandırması bir neçə kateqoriyada olacaq. Belə ki, marafonun kişi və qadın iştirakçıları qaçış zolağında ilk 3 yer uğrunda mübarizə aparacaqlar. Kişi və qadın kateqoriyalarının hər birində 1-ci yerin qalibi 3 000 AZN, 2-ci yerin qalibi 2 000 AZN, 3-cü yerin qalibi isə 1 000 AZN məbləğində mükafat və hədiyyələrlə, eləcə də medal və sertifikatlarla təltif olunacaq.




Qeydiyyat prosesi başlayandan, martın 4-dən mayın 1-dək marafonda yalnız fiziki şəxs kimi 20 AZN ödəniş etməklə qeydiyyatdan keçənlər arasında lotereya təşkil ediləcək və şanslı 2 nəfərə hava daşınması üzrə “Bakı Marafonu-2019”un rəsmi tərəfdaşlarından olan Türk Hava Yolları tərəfindən istənilən Avropa ölkəsinə pulsuz gediş-dönüş bileti hədiyyə olunacaq. Lotereyanın qalibi mayın 2-də “Bakı Marafonu – 2019”un rəsmi feysbuk səhifəsində (https://www.facebook.com/bakumarathon/) canlı yayımlanacaq təsadüfi seçim əsasında müəyyən olunacaq. Qeyd edək ki, iştirakçılar gediş və dönüş arasındakı vaxt intervalını (mükafat yalnız 1 il ərzində keçərlidir) özləri təyin edə bilərlər. Eyni zamanda, viza müraciəti və digər xərclər qaliblərin özləri tərəfindən qarşılanmalıdır.

Hər il marafonda qeydiyyatdan keçən iştirakçıların böyük hissəsinin tələbələr olduğunu nəzərə olaraq, bu il Təşkilat Komitəsi onlar üçün də xüsusi mükafat təsis edib. Belə ki, finiş xəttini ilk keçən tələbələr (qadın və kişi kateqoriyası üzrə) Parisdə, Disneylənddə unudulmaz tətil yaşayacaqlar. “Azercell”in “GəncOl” paketi adından təqdim olunacaq mükafata 5 günlük səyahət, oteldə qalma xərcləri, eləcə də Disneyləndə giriş daxildir. Türk Hava Yolları isə qaliblərə gediş-dönüş biletini hədiyyə edəcək. Viza üçün müraciət və digər xərclər iştirakçıların özləri tərəfindən qarşılanmalıdır. 




Bilet hədiyyə olunan iştirakçılar, gediş-dönüş vaxtlarını özləri təyin edə bilərlər. Qeyd edək ki, bilet hədiyyəsi 1 il müddətinə qədər keçərlidir.

Ayrı-ayrı şirkətləri sağlam həyat tərzini dəstəkləməyə çağıran “Bakı Marafonu – 2019” korporativ iştirakçıları da unutmayıb. Belə ki, finiş xəttini ilk keçən korporativ iştirakçılar (qadın və kişi kateqoriyası üzrə) şirkətlərini İstanbul Marafonunda təmsil edəcəklər. Türk Hava Yolları tərəfindən təqdim olunacaq mükafat paketinə - gediş-dönüş bileti, İstanbul Marafonuna qeydiyyat daxildir. Digər xərclər isə qaliblərin özləri tərəfindən qarşılanmalıdır.

Növbəti hədiyyə kateqoriyası marafonda qeydiyyatdan keçən həmyerlilərimizlə bağlıdır. Finiş xəttini ilk keçən azərbaycanlılar (qadın və kişi kateqoriyası üzrə) “Redbull”un dəstəyi ilə 2020-ci ildə mayın 5-də Gürcüstanda təşkil olunacaq “Wings for Life” marafonunda iştirak şansı əldə edəcəklər. Hədiyyə paketinə 3 günlük səfər, gediş-dönüş bileti, yarışa qeydiyyat daxildir. Digər xərclər isə iştirakçılar tərəfindən qarşılanmalıdır.

Marafonda iştirakın yaşı yoxdur. Buna görə də növbəti mükafat kateqoriyası 50 yaşdan yuxarı iştirakçılara şamil ediləcək. Finiş xəttini ilk keçən 50 yaşdan yuxarı olan yalnız azərbaycan vətəndaşlarına (qadın və kişi kateqoriyası üzrə) "Azercell" tərəfindən 1000 azn dəyərində idman geyimi hədiyyə olunacaq.

Bundan əlavə, idman geyimləri üzrə tərəfdaşımız “GoSport” tərəfindən marafon günü finiş xəttini keçən ilk 5 Azərbaycanlı xanım iştirakçıya 100 AZN dəyərində hədiyyə kartı və idman ayaqqabısı hədiyyə ediləcək. Finiş xəttini keçən ilk 3 xanım iştirakçıya isə qida üzrə tərəfdaşımız "Bosch" tərəfindən xüsusi hədiyyələr təqdim olunacaq.




Eyni zamanda, marafona dəstək olan sponsorlarımız və tərəfdaşlarımız Bakı Marafonunun feysbuk (https://www.facebook.com/bakumarathon) və instagram səhifələrində (https://www.instagram.com/bakumarathon/) müxtəlif yarışlar keçirəcək və qaliblərə dəyərli hədiyyələr təqdim edəcəklər.

Bu il yarımarafonda maraqlı kostyumlarda iştirak edən marafonçular da mükafatlandırma kateqoriyasına daxil edilib. Belə ki, finiş xəttini maraqlı kostyumda ilk keçən iştirakçıya “GoSport” tərəfindən 100 AZN dəyərində hədiyyə kartı təqdim olunacaq.

Qeyd edək ki, iştirakçılar yalnız bir kateqoriya üzrə qalib ola bilərlər. Birdən çox kateqoriyada qalib olan marafonçunun hansı kateqoriyada mükafatlandırılmasına isə Təşkil Komitəsi qərar verəcək.

O cümlədən, bütün marafon iştirakçılarına və yarışın təşkilində dəstək göstərən könüllülərə sertifikatlar təqdim olunacaq. Finiş xəttini keçən ilk 1000 iştirakçı isə “Bakı Marafonu-2019”un xüsusi medalları ilə təltif ediləcək.


 


_


Heydər Əliyev Fondunun təşkilatçılığı ilə “Bakı Marafonu 2019” keçirilib

05 May 2019 Xəbərlər
Mayın 5-də Heydər Əliyev Fondunun təşkilatçılığı ilə “Bakı Marafonu 2019” keçirilib. Marafonda Bakı Media Mərkəzinin prezidenti Arzu Əliyeva da iştirak edib. “Küləyə qalib gəl” şüarı altında artıq dördüncü ildir təşkil olunan yarımarafon Dövlət Bayrağı Meydanından start götürərək, Bakı Olimpiya Stadionuna qədər 21 kilometr məsafəni əhatə edib. Layihə idmanın inkişafına dəstək göstərmək, sağlam həyat tərzini təbliğ etmək, və insanları xeyirxah amallar ətrafında bir araya gətirmək məqsədi daşıyır.
Hər il daha çox iştirakçı sayı ilə diqqət çəkən marafonda bu dəfə 22 min 320 şəxs qeydiyyatdan keçib. Yarışa Azərbaycan vətəndaşları ilə yanaşı, bir sıra digər ölkələrdən də iştirakçılar gəlib. Marafonda ABŞ, Avstriya, BƏƏ, Böyük Britaniya, Cənubi Afrika, Fransa, İran, Rusiya, İspaniya, İtaliya, Türkiyə, Ukrayna, Uqanda və digər ölkələrdən qoşulanlar var. Eyni zamanda, Azərbaycanda yaşayıb-işləyən 300-dən çox əcnəbi, o cümlədən BƏƏ, Çin, Hindistan, İraq, İran, Qazaxıstan, Litva, Mərakeş, Özbəkistan, Türkiyə, Türkmənistan və digər ölkələrin Azərbaycandakı səfirlik və diplomatik nümayəndəliklərinin təmsilçiləri marafonçular sırasında olub. 
Ətraflı Oxu

"Baku Marathon Club" ilə məşq - 23 aprel

23 Apr 2019 Məşqlər
Xanımlar və cənablar, "Baku Marathon Club" ilə məşqlərə qoşularaq həm marafona hazırlaşa, həm də eksklüziv tərəfdaşımız Azercell-dən iki telefon qazana bilərsiniz!  Belə ki, məşqlərdə fəal olan iki iştirakçı "Baku Marathon Club"ın məşqçiləri tərəfindən seçiləcək və mükafatlandırılacaq.


Ətraflı Oxu

"Baku Marathon Club" ilə məşq - 21 aprel

21 Apr 2019 Məşqlər
Xanımlar və cənablar, "Baku Marathon Club" ilə məşqlərə qoşularaq həm marafona hazırlaşa, həm də eksklüziv tərəfdaşımız Azercell-dən iki telefon qazana bilərsiniz!  Belə ki, məşqlərdə fəal olan iki iştirakçı "Baku Marathon Club"ın məşqçiləri tərəfindən seçiləcək və mükafatlandırılacaq.


Ətraflı Oxu

Təşkilatçı

Tərəfdaşlar və Sponsorlar