• START

    Dövlət Bayrağı Meydanı

  • FİNİŞ

    Bakı Olimpiya Stadionu

  • MƏSAFƏ

    21 kilometr

  • AVTOBUS DAYANACAĞI

    İştirakçıların aparılması üçün

  • SU

    Marşrut boyu

  • TİBBİ YARDIM

    Marşrut boyu

  • SANİTAR QOVŞAĞI

    Marşrut boyu kabinələr

  • QİDA

    Meyvə və çərəzlər

Marşrut

Bakı Abşeron yarımadasının cənub sahilində yerləşir. Bakı öz qədimliyinə, ərazisinin böyüklüyünə və əhalisinin sayına görə Cənubi Qafqazda ən böyük şəhərdir. Şəhərin qədim tarixi rəmzləri olan Şirvanşahlar Sarayı kompleksi, İçərişəhər və Qız qalası 2000-ci ildə YUNESKO-nun Ümumdünya İrsi Siyahısına daxil edilib. Bakı  2015-ci ilin yanvarında "New York Times" qəzetinin dünyanın ən gəzməli 52 şəhəri siyahısında yer alıb.

 
Bakı Azərbaycanın elmi, mədəni və sənaye mərkəzidir. Bundan əlavə, Bakı həm də “küləklər şəhəri” kimi tanınır.  Məlumata görə, ötən əsrin əvvəllərində güclü külək və toz əlindən Bakının küçələrində gəzmək mümkün deyildi, hazırda isə Bakı sərin havası və rahat həyat tərzi ilə seçilən şəhərə çevrilib.
 
Mayın 13-də Bakıda üçüncü dəfə keçiriləcək marafonun marşrutu Bakının həm müasir, həm də qədim hissələrindən keçməklə yarışı iştirakçılar üçün daha maraqlı edəcək. “Bakı Marafonu - 2018” Dövlət Bayrağı Meydanından başlayaraq Bakı Olimpiya Stadionuna qədər 21 kilometr məsafəni əhatə edəcək.
 
Marşrutun start nöqtəsi olan Dövlət Bayrağı Meydanının açılışı 2010-cu ildə olub və artıq bura şəhərin əsas görməli yerlərindən biri hesab edilir. Meydan üçün seçilmiş yer dövlət bayrağının paytaxtın müxtəlif nöqtələrindən görünməsinə imkan yaradır.
 
Hündürlüyü 162 metr olan bayraq dayağı bu göstəricisinə görə dünyada ikinci yerdədir. İştirakçılar yuxarıda qeyd edilən start nöqtəsindən, Dənizkənarı Milli Parkın yeni tikilmiş hissəsidən başlayaraq, Neftçilər prospekti boyunca təxminən 6 kilometr məsafə qət edəcəklər. Marşrutun bu hissəsi şəhərin həm qədim (İçərişəhər, Qız qalası), həm də müasir məkanlarını əhatə edir.
 
Bu gözəl kontrastın və sahil zolağının fonunda 6 kilometr məsafə qət etdikdən sonra iştirakçılar Yusif Səfərov küçəsi ilə hərəkət edəcəklər. İştirakçılar Müasir İncəsənət Muzeyi və Ali Məhkəmənin binalarının yerləşdiyi bu küçə ilə təxminən 2 kilometr qaçdıqdan sonra marşrutun yekun və ən çətin hissəsi başlayır. Marşrutun bu hissəsində əsrarəngiz arxitektur quruluşu olan, müasir dünya memarlığının incilərindən sayılan Heydər Əliyev Mərkəzi yerləşir. Qeyd edək ki, Heydər Əliyev Mərkəzinin binası dünyada müasir Bakının simvolu kimi tanınır və 2014-cü ilin iyununda nüfuzlu London Dizayn Muzeyinin “İlin dizaynı 2014” mükafatı ilə təltif olunub.
 
Marafon məsafəsinin təxminən yarısını təşkil edən bu yekun hissə Heydər Əliyev prospekti ilə Bakı Olimpiya Stadionuna qədər davam edir. Birinci Avropa Oyunlarının açılış və bağlanış mərasimlərinə ev sahibliyi etmiş Bakı Olimpiya Stadionu UEFA, FİFA və IAAF-nın beynəlxalq standartlarına uyğun dizayn edilib və inşa olunub. 68700 tamaşaçı tutumu olan bu stadion beynəlxalq mətbuatda Qafqazın “Allianz Arena”sı kimi təqdim edilib.
 
Bakı Olimpiya Stadionu Azərbaycanın və Qafqazın ən böyük stadionu, dünyanın 7-ci ən yaxşi idman arenasıdır. Qeyd edək ki, stadion UEFA U-17 Avropa çempionatına və "Qarabağ"ın Çempionlar Liqasındakı ev oyunlarına ev sahibliyi edib. Bakı Olimpiya Stadionu 2019-cu ildə UEFA Çempionlar Liqasının final matçına,  eləcə də  2020-ci il futbol üzrə Avropa çempionatının 4 oyununa da ev sahibliyi edəcək. Şübhəsiz ki, bu tədbirlərin Bakıda keçirilməsi Azərbaycan üçün böyük əhəmiyyət daşıyır.

Heydər Əliyev Fondunun təşkilatçılığı ilə “Bakı Marafonu 2019” keçirilib

05 May 2019 Xəbərlər
Mayın 5-də Heydər Əliyev Fondunun təşkilatçılığı ilə “Bakı Marafonu 2019” keçirilib. Marafonda Bakı Media Mərkəzinin prezidenti Arzu Əliyeva da iştirak edib. “Küləyə qalib gəl” şüarı altında artıq dördüncü ildir təşkil olunan yarımarafon Dövlət Bayrağı Meydanından start götürərək, Bakı Olimpiya Stadionuna qədər 21 kilometr məsafəni əhatə edib. Layihə idmanın inkişafına dəstək göstərmək, sağlam həyat tərzini təbliğ etmək, və insanları xeyirxah amallar ətrafında bir araya gətirmək məqsədi daşıyır.
Hər il daha çox iştirakçı sayı ilə diqqət çəkən marafonda bu dəfə 22 min 320 şəxs qeydiyyatdan keçib. Yarışa Azərbaycan vətəndaşları ilə yanaşı, bir sıra digər ölkələrdən də iştirakçılar gəlib. Marafonda ABŞ, Avstriya, BƏƏ, Böyük Britaniya, Cənubi Afrika, Fransa, İran, Rusiya, İspaniya, İtaliya, Türkiyə, Ukrayna, Uqanda və digər ölkələrdən qoşulanlar var. Eyni zamanda, Azərbaycanda yaşayıb-işləyən 300-dən çox əcnəbi, o cümlədən BƏƏ, Çin, Hindistan, İraq, İran, Qazaxıstan, Litva, Mərakeş, Özbəkistan, Türkiyə, Türkmənistan və digər ölkələrin Azərbaycandakı səfirlik və diplomatik nümayəndəliklərinin təmsilçiləri marafonçular sırasında olub. 
Ətraflı Oxu

"Baku Marathon Club" ilə məşq - 23 aprel

23 Apr 2019 Məşqlər
Xanımlar və cənablar, "Baku Marathon Club" ilə məşqlərə qoşularaq həm marafona hazırlaşa, həm də eksklüziv tərəfdaşımız Azercell-dən iki telefon qazana bilərsiniz!  Belə ki, məşqlərdə fəal olan iki iştirakçı "Baku Marathon Club"ın məşqçiləri tərəfindən seçiləcək və mükafatlandırılacaq.


Ətraflı Oxu

"Baku Marathon Club" ilə məşq - 21 aprel

21 Apr 2019 Məşqlər
Xanımlar və cənablar, "Baku Marathon Club" ilə məşqlərə qoşularaq həm marafona hazırlaşa, həm də eksklüziv tərəfdaşımız Azercell-dən iki telefon qazana bilərsiniz!  Belə ki, məşqlərdə fəal olan iki iştirakçı "Baku Marathon Club"ın məşqçiləri tərəfindən seçiləcək və mükafatlandırılacaq.


Ətraflı Oxu

Təşkilatçı

Tərəfdaşlar və Sponsorlar