Yarış günü

Yarış günü


“Bakı Marafonu - 2019” 5 may 2019-cu ildə keçiriləcək.
İştirakçılardan xahiş olunur ki, aşağıda göstərilən vaxtlarda lazımi nöqtələrdə olsunlar:
Yarışın başlama vaxtı: saat 10:00
Yarış üçün start nöqtəsinə gəlmə vaxtı: saat 08:30  

Avtobus dayanacaqları


Avtobus dayanacaqları aşağıda göstərilən nöqtələrdə yerləşəcək:

1. Start nöqtəsi
2. “Hökumət Evi”nin qarşısı
3. “Boulevard Hotel” ərazisi tərəf
4. Heydər Əliyev Mərkəzi 
5. Böyükşor bulvarı
 

Sağlamlıq və Təhlükəsizlik


Marafonun hər kəs üçün təhlükəsiz və əyləncəli olmasını təmin etmək üçün aşağıdakıları nəzərə almağınız xahiş olunur:  
- Digərlərinin sağdan keçməsinə imkan yaratmaq üçün yolun sol tərəfi ilə hərəkət edin;
- Digər iştirakçılara qarşı nəzakətli olun;
- Yarış rəsmiləri, könüllülər və yol nəzarətçilərinin  təlimatlarına əməl etməyiniz xahiş olunur.


Dayanacaqlar


Marafon iştirakçıları üçün 5 nöqtədə xüsusi dayanacaqların quraşdırılması nəzərdə tutulub. İştirakçılar bu dayanacaqlarda ilkin tibbi yardım, su və qida  (meyvə və çərəzlər), sanitar qovşaqla təmin ediləcək. Marafon iştirakçıları üçün nəzərdə tutulan xüsusi dayanacaqların yerləşəcəyi nöqtələrlə tanış olun:

2 KM - Azərbaycan Xalça Muzeyinin qarşısı;
7 KM - “Boulevard Hotel” - “Ağ şəhər” işarəsi (dayanacaq otelə yaxın istiqamətdə yerləşəcək);
12 KM - Heydər Əliyev Mərkəzi (RedBull Energy Stop);
17 KM - Atletlər kəndinin ərazisi (“Koroğlu” metrostansiyası yaxınlığında);
19 KM - Böyükşor bulvarı.


Yardım məntəqələri

Tədbir bütün məsafələr üçün marşrut üzrə hər 3 kilometrdən bir yerləşdirilmiş yardım məntəqələri tərəfindən dəstəklənəcək. Yardım məntəqələrində marafon iştirakçıları su, sanitar qovşaq və ilkin tibbi yardımla təmin ediləcək. 


Çanta təhvili


Marafonun start zonasında çanta təhvili xidməti olacaq. Yalnız marafon iştirakçıları öz çantalarını təhvil zonasına verə bilərlər. Çantanızı təhvil verərkən onun üzərinə xüsusi stikerlər yapışdırılacaq. Zəhmət olmasa, yarış çantanızı təhvil zonasına verməzdən öncə ona yarış nişanı stikerinin bərkidildiyinə əmin olun. Sizin çantalarınız finiş xəttinə gətiriləcək və yarışı bitirdikdən sonra onları götürmək imkanınız olacaq.

Zəhmət olmasa, 5 may saat 17:30-da – Bakı Olimpiya Stadionunu tərk etməzdən əvvəl çantanızı götürün.



Heydər Əliyev Fondunun təşkilatçılığı ilə “Bakı Marafonu 2019” keçirilib

05 May 2019 Xəbərlər
Mayın 5-də Heydər Əliyev Fondunun təşkilatçılığı ilə “Bakı Marafonu 2019” keçirilib. Marafonda Bakı Media Mərkəzinin prezidenti Arzu Əliyeva da iştirak edib. “Küləyə qalib gəl” şüarı altında artıq dördüncü ildir təşkil olunan yarımarafon Dövlət Bayrağı Meydanından start götürərək, Bakı Olimpiya Stadionuna qədər 21 kilometr məsafəni əhatə edib. Layihə idmanın inkişafına dəstək göstərmək, sağlam həyat tərzini təbliğ etmək, və insanları xeyirxah amallar ətrafında bir araya gətirmək məqsədi daşıyır.
Hər il daha çox iştirakçı sayı ilə diqqət çəkən marafonda bu dəfə 22 min 320 şəxs qeydiyyatdan keçib. Yarışa Azərbaycan vətəndaşları ilə yanaşı, bir sıra digər ölkələrdən də iştirakçılar gəlib. Marafonda ABŞ, Avstriya, BƏƏ, Böyük Britaniya, Cənubi Afrika, Fransa, İran, Rusiya, İspaniya, İtaliya, Türkiyə, Ukrayna, Uqanda və digər ölkələrdən qoşulanlar var. Eyni zamanda, Azərbaycanda yaşayıb-işləyən 300-dən çox əcnəbi, o cümlədən BƏƏ, Çin, Hindistan, İraq, İran, Qazaxıstan, Litva, Mərakeş, Özbəkistan, Türkiyə, Türkmənistan və digər ölkələrin Azərbaycandakı səfirlik və diplomatik nümayəndəliklərinin təmsilçiləri marafonçular sırasında olub. 
Ətraflı Oxu

"Baku Marathon Club" ilə məşq - 23 aprel

23 Apr 2019 Məşqlər
Xanımlar və cənablar, "Baku Marathon Club" ilə məşqlərə qoşularaq həm marafona hazırlaşa, həm də eksklüziv tərəfdaşımız Azercell-dən iki telefon qazana bilərsiniz!  Belə ki, məşqlərdə fəal olan iki iştirakçı "Baku Marathon Club"ın məşqçiləri tərəfindən seçiləcək və mükafatlandırılacaq.


Ətraflı Oxu

"Baku Marathon Club" ilə məşq - 21 aprel

21 Apr 2019 Məşqlər
Xanımlar və cənablar, "Baku Marathon Club" ilə məşqlərə qoşularaq həm marafona hazırlaşa, həm də eksklüziv tərəfdaşımız Azercell-dən iki telefon qazana bilərsiniz!  Belə ki, məşqlərdə fəal olan iki iştirakçı "Baku Marathon Club"ın məşqçiləri tərəfindən seçiləcək və mükafatlandırılacaq.


Ətraflı Oxu

Təşkilatçı

Tərəfdaşlar və Sponsorlar